Остеопороз дегеніміз не?

Остеопороз – қаңқаның барлық сүйектеріне әсер ететін жүйелі ауру. Сүйек остеопорозы сүйек тығыздығы мен беріктігінің төмендеуінен көрінеді, бұл тіпті ең аз жарақат алған кезде де сыну қаупінің жоғарылауына әкеледі.
Остеопороздың дамуына ықпал ететін факторлар:
Әйелдер ерлерге қарағанда жиі зардап шегеді. Мысалы, менопауза басталғаннан кейінгі алғашқы бес жыл ішінде әйелдер сүйек массасының ¼ бөлігін жоғалтады. Ерте (45 жасқа дейін) және хирургиялық менопауза (аналық безді алып тастағаннан кейін) остеопороз қаупі артады.
Қозғалысты шектейтін аурулар остеопороздың дамуына ықпал етуі мүмкін. Сондықтан физикалық белсенділіктің төмен болуы да остеопороздың дамуына ықпал етуі бек мүмкін.
Қоректік заттардың, дәрумендердің, макро және микроэлементтердің сіңуінің төмендеуі байқалатын асқазан-ішек жолдарының созылмалы аурулары сүйек тінінде метаболизмді бұзады.
Созылмалы бүйрек жеткіліксіздігіне әкелетін бүйрек ауруы
Эндокриндік аурулар, глюкокортикоидты гормондар мен қалқанша безінің гормондарын (L-тироксин) ұзақ уақыт қолдану – қосымша қауіп факторы.
Жаман әдеттер (темекі шегу, алкогольді асыра пайдалану, кофені көп ішу)
Тұқым қуалайтын бейімділік
Ауру көбінесе соңғы кезеңдерде, сүйек тығыздығының айқын төмендеуі байқалған кезде анықталады. Остеопороз сынық дамығанға дейін ешқандай ауырсынуды тудырмайды. Ауруды «үнсіз індет» деп бекер айтпаған. 
Сондықтан аурудың даму белгілеріне – мысалы, өсу биіктігінің бірнеше сантиметрге төмендеуі, дене мүсінінің өзгеруіне назар аудару керек.