Социализм – әлеуметтік теңдік пен әлеуметтік әділеттілікке қол жеткізуге бағытталған саяси, әлеуметтік және экономикалық философия. Оған қол жеткізу өндіріс құралдарына қоғамдық меншік арқылы жүзеге асырылады. Кең мағынада алғанда, социализмді саяси принцип деуге болады. Оның негізгі қағидасы – үйлесімді әлеуметтік ұйым мен әділетсіздікке қарсы күреске негізделген бейбітшілікке ұмтылу. Экономикалық тұрғыдан алғанда, социализм экономикаға, өндіріс құралдарына және ресурстарды бөлуге әлеуметтік және/немесе мемлекеттік бақылаумен сипатталады. Контекстіге байланысты «социализм» сөзі идеологияны, экономиканы, саяси режимді немесе әлеуметтік ұйымды білдіруі мүмкін.