Күнделікті 7-8 сағат ұйықтау керек пе?

Жақында Уорик университетінің профессоры, жүрек-қан тамырлар ауруларын зерттейтін маман  Франко Каппучио соңғы 10 жыл ішінде 1,1 миллионнан астам адам қатысқан 16 зерттеу жұмысын зерттеді. Каппучио ұйқы ұзақтығының адам денсаулығына тікелей әсер бар екенін анықтады. Сағат 6-дан 8-ге дейінгі аралықта ұйқыға жатқан адамдар өзін өзгелерге қарағанда әлдеқайда жақсы сезінген. Бірақ бұл жерде қызықты дерек бар: 8 сағаттан артық ұйықтаған адамдар арасындағы өлім-жітім ұйқысы қанбаған адамдармен салыстырғанда, анағұрлым жоғары. Каппучио қорытынды жасағандай, тым көп ұйықтау адам денсаулығында кінәрат барын не қатты шаршағанын аңғартады.

Ең бастысы ұйқы ұзақтығы әр адамда қаншалықты ерекше екенін түсіне білу керек. Кеңседе қызмет етіп, күні бойы компьютермен жұмыс істейтін адаммен салыстырғанда, атлетикамен айналыстан адамдарға шаршататын жаттығулардан кейін қалпына келу үшін айтарлықтай көп уақыт ұйықтау керек. Ал нәрестеге қажет ұйқы ұзақтығы қарттардікіне қарағанда ұзағырақ. 

Егер сіз тұрақты түрде 8 сағаттан артық ұйықтасаңыз, дәрігерге қаралғаныңыз жөн. Тек демалыс күндері ғана емес, күнделікті кем дегенде 6-7 сағат ұйықтау керек. 

Ұйқы ұзақтығы әр адамның жеке ерекшелігіне байланысты. Ал ұйқының шамадан тыс ұзақтығы денсаулығыңыздағы кінәратқа не шаршаңқылыққа меңзейді. 

Адам үшін қатарынан 7-8 сағат ұйықтаудан қарағанда араға 1-2 сағат сала отырып екі рет 3-4 сағат ұйықтаған анағұрлым жақсы. 1990 жылдары америкалық псизиатр Томас Вер осындай тұжырымға келген еді. Ғалымдардың айтуынша, мұндай ұйқы ырғағы адамдарға күйзеліспен күресуге әлдеқайда жақсы көмектескен. 

Егер сіз тұрақты түрде сегіз сағаттан артық ұйықтасаңыз, ол дәрігердің көмегіне жүгінуге себеп болуы мүмкін.