Өзенге 15-тен астам өзен саласы келіп құяды. Олардың ішіндегі негізгілері - Үржар, Қатынсу, Емелқұйса, Ырғайты, Жаманты, Жаманөткел, Тасты өзендері. Сасықкөл, Ұялы, Жалаңашкөл және басқа да кішігірім көлдермен бірге Алакөл көл жүйесін құрады. Көлдің аумағы - 2 696 км2. Ал су көлемі 58,56 куб/км болса, ұзындығы 104 км, ені 52 км, орташа тереңдігі 22 м, ең терең жері 54 м, жағалау сызығының ұзындығы 348 км болады.

Көптеген жылдар бұрын Алакөл аталатын су шараларының маңынан әйгілі Жібек Жолы өткені белгілі. Сол замандарда жолдан шаршаған керуеншілер тұзды толқынның күш-қайратты қалпына келтіріп, денсаулықты нығайтатынын байқаған.

Заманауи медициналық зерттеулер көл суының емдік қасиетін дәлелдеді.

Даланың таза ауасы, тұзды су, құрамында кремний көп жанартау ыстық жұмыр тасы - тері, буын ауруларында, ерлер мен әйелдер қиындықтарында, ересектер мен балалардағы иммунитет әлсіреуінде емдік әсер береді.

#Түс жору #Жулдыз жорамал #Танымал тұлғалар #Рецептілер #қызықты мәліметтер #Әдебиет #Тарих