"Менің сүйікті жануарым" шығарма бар ма?
(ЖАЛҒАСЫ) Кейде қулықтарын да көрсететін. Тамақты мөлшерінен көп ішіп қойғанда, ыдысының бетін қағазбен жауып қойғанмын. Сөйтсем, ыдысының екінші жағына айналып өтті де, қағазды итере салып, сүтіне бас қойды. Мысықтан мұндайды күтпегенім рас. Еркелетіп, басынан сипап, күле бердім.
Мысық асырағаннан кейін оның күтімі туралы да оқып білдім. Бұрын даладан мысық көрсем аяғымды тебініп қойып өтіп кете беретінмін. Үйде мысық ұстағалы бері басқа мысықтарға да бейжай қарай алмадым. Үй маңында жүрген мысықтар үшін далаға арнайы ыдыс шығарып қойып, тамақ салып жүретінмін.
Бірде мысығым далаға шыққысы келіп, табалдырыққа отырып алды. Кешке таяу уақыт еді. Алдым да шығарып жібердім. Уақыт түнге жақындады. Мысығым әлі жоқ. Далаға шығып, атын атап шақырдым. Ауланы түгелдей қарап шықтым, мысығым жоқ. Жарайды, келер деп үйге кірдім. Ертесіне мысығым келмеп пе деп далаға шықтым. Мысығым тағы жоқ. Қашып кетті деуге келмейді. Ұрлап кетті дейін десем, мойынында қарғыбауы бар болатын. Үйдің мысығы екені көрініп тұр. Не болжарымды білмедім. Іздеудей-ақ іздедім. Бірақ таба алмадым. Мүмкін бір күні қайтып келер деп күтемін.
Жер бетінде адамнан басқа жаратылыстар көп. Олардың өз пайдасы, міндеті, қызметі бар. Мен жан-жануарлардың барлығын ұнатамын. Әсіресе, мысықты ерекше жақсы көремін. Алғаш мысық асырап алғанымда, ол кішкентай ғана марғау еді. Туылғанына бір ай ғана өткен болар. Өзі сүйкімді, жұп-жұмсақ. Бір алақаныма сыйып кететін. Күндіз ойнап, сүтін беремін. Ол маған үйренісіп, еркелей бастады. Жатар уақытта өзіне арнайы орын дайындап қойсам да, жүгіріп келіп қойныма сүңгіп кететін. Көрпе астында, құшағымда алақандай ғана жаратылыс қамсыз ұйықтап жататын. Уақыт өткен сайын ол да өсе берді. Өзінің қылықтары, еркеліктері, қулықтары пайда болды. Еркелетсең еркелейтін, ұрыссаң басын салбыратып, жата қалады. Көзімен ұрлана қарап, ашуым тарқағанын бақылағандай болатын.
Ол бәрін де түсінеді. Бірде жуындырмақ болып, өзінің легенін алып, суын дайындап, далаға шықтым. сусабынды алуғ үйге қайта кіріп, мысығымды алып шықпақ болдым. Жаңа ғана дәлізде жүрген сияқты еді. Ұшты-күйлі жоқ болып кетті. Жарты сағаттай іздедім. Жоқ. Шеткі бөлмеге келіп, барлық жерді дұрыстап қарастыра бастадым. Қарасам, көкөніс салатын себеттің ішінде тыныш қана жатыр. Жуындыратынымды біліп, тығылып қалғаны ғой. Осындай қызықты қылықтары адамды еріксіз сүйсіндіреді.