Омар Хайямның ұлты қандай?
Ақын, философ, ғалым, Омар Хайям ретінде танымал шығыс шайырының шын есімі Гийяссаддин Абу-әл-Фатх Омар ибн Ибрахим әл-Хайям Нишапури. Ол Парсы жерінің Нишапур қаласында ХІ ғасырда дүниеге келген. Бүгінде бұл Иран жерінің шет аймағының атауы өзгерген. Ал бұрынғы шапқыншылық замамнында бұл жерлер түркілер қоластында болған. Омар Хайям өмірінің көп бөлігін саяхаттаумен өткізген. Бір жерде ұзақ уақыт тұрақтамаған деуге болады. Ашхабад, Самарқан, Бұқара сынды көптеген көне шығыс қалаларында тұрған. Осылайша бүгінгі ирандықтар, ауғандықтар мен түріктер, түркімендер мен өзбектер, тәжіктер Омар Хайямды өз жерлесі деп біледі. Бір ақиқат - ол Шығыс ұлы.
Десе де ақынның парсы жерінде дүниеге келгенін ескеріп, оны парсы ұлы, даңқты ақыны деуге болады.