Ләззат Асанова жатақхананың 5-қабатынан құлап өлген деген қорытынды жасалып, өлімінің шынайы себебі жасырылған. Оның өкіметке қарсы шыққаны, тәртібі нашар қыз болғаны жөнінде әдейі қауесет таратылып, ауылдастары Ләззаттың үйіне, анасына жақындауға қорыққан. Анасы 1991 жылға дейін бақылау астында болған. Елінің азаттығын аңсаған жалынды жас қызға арналған "Қаһарман қыз" әні шығарылған. Сөзін жазған - Абдырахман Асылбек, ән авторы - Жоламан Тұрсынбаев.

Тұрар

Жауап қалдырылды 21 Жел, 16

Ләззат Асанова 1970 жылы шілде айының 27 жұлдызында Алматы облысы Панфилов ауданы Ақжазық ауылында дүниеге келген. Өрімдей жас қыз небары 16 жасында Желтоқсан көтерілісінің құрбаны болды. Ол 1985 жылы Алматы қаласындағы Чайковский атындағы музыкалық училищеге түскен. Оқуып оқып жүрген кезде 1986 жылы 17-18 желтоқсанда Алматы қаласында өткен Желтоқсан көтерілісіне қатысқан. Көтерілісте ұсталған Ләззат Асанова қамауға алынып, Қазақ КСР ҚК-нің 65-бабы бойынша айып тағылған. Желтоқсанның 24 күні Ләззаттың анасы Алтынай Асановаға қызының бақилық болғаны жайлы хабар жеткен. Артынша Ішкі істер министрлігі мен Мемлекеттік қауіпсіздік комитеті қызметкерлері көтерілісте қаза тапқан қыздың денесін Ақжазық ауылына алып келген. Қызының табытына анасын жуытқысы келмегенімен, анасы Алтынай қояр-қоймастан табытты аштырып, қызының денесін шариғат бойынша жуындырып, жер қойнына тапсырған.

#Түс жору #Жулдыз жорамал #Танымал тұлғалар #Рецептілер #қызықты мәліметтер #Әдебиет #Тарих