Шаш неліктен түседі?
Шаш түсуінің негізгі себебі бояу, күйзеліс немесе химиялық бұйралау емес. Сондықтан шаш түсуін қандай да бір сусабын немесе қызыл бұрыш тұнбасымен емдеуге болмайды. Ауытқушылық себебін ағзаның бұгінгі немесе кешегі күйінен іздеудің де қажеті жоқ. Ол антибиотиктер қабылдаумен, ота жасатумен, созылмалы ауытқушылықпен байланысты болуы мүмкін. Сонымен қатар шаш түсуінің себебі аутоиммунді ақаулар, темір жетіспеушілігі немесе созылмалы жұқпалы ауру ошағымен байланысты болады. Аш ішекте бактериялар арасында үйлесімсіздік болған кездегі дәрумендер мен микроэлементтер сіңірілмейді. Өз кезегінде ол да шаш түсуіне әсер етеді. Оған қоса қалқанша безіне байлнанысты гормондық қиындықтар да шаш түсуінің себебі болуы мүмкін. Жалпы алғанда, шаш 7-8 жыл өмір сүреді. Ол түскеннен кейін орнына жаңасы өсіп шығады. Бірақ шаш жабыны жаңарған кезде шаш бірден түсіп қалмайды. Шаш жаңаруы баяу жүреді. Сондықтан тарақтан түсіп қалған бір тұлым шаш көрсеңіз, трихолог дәрігерге қаралып, себебін анықтағаныңыз жөн.