Балалардың 5 жастан бастап мектепке барғаны дұрыс па?

Оқу жылы басталып кеткеннен кейін ғана 6 жасқа толатын балалар бар. Яғни олар мектеп табалдырығын 5 жасында аттайды. Кеңес заманында бұл мәселеге қатысты пікірлер екіге айырылған емес. Себебі, 25 қыркүйекке дейін туған бала 7 жастағы оқушылармен мектепке баруға құқылы. Тіпті, болмаса, бір жыл күтіп, келесі жылы баратын. «Меніңше, мұндай балалардың бір жыл мектепке кеш барғаны дұрыс. Десе де, әрқайсысына индивидуалды қарым-қатынас танытуымыз керек. Соңғы шешімді дәрігерлер мен ұстаздар, психолог мамандар қабылдауы тиіс. Егер осы адамдар баланың мектеп жасына жеткенін растаса, 5 жастан бастап мектепке бару – құба-құп. Десе де, соңғы сөз ата-ананың еншісінде. Бала жылына бес реттен артық ауырып қалса, оны мектепке жібермеген дұрыс. Бұл оның дайын еместігін білдіреді. Ал ақыл-ойы ерте жетіліп үлгерген балаларды мектепке ойланбастан жіберген жөн», - дейді Людмила Ивановна. Үш жастан асқан бала үшін қай жерде демалатыны маңызды емес. Сол себепті, дәрігерлер ата-аналарға қалада тұрған жағдайдың өзінде жиі серуендеуге кеңес береді. Ал психолог мамандар балаға толыққанды жағдай жасалған кезде ғана оны мектепке беруді ұсынып жатыр. Яғни 5 жастағы бала күніне 4 рет тамақтанып, барлық оқулықпен қамтамасыз етіліп, үйінде үй тапсырмасын орындауға мүмкіндік берілу. Десе де, 5 жасар баланың бір орында 15 минуттан артық отыра алмайтынын да ескеруіміз керек. Оның назарын жаулау үшін мектеп бағдарламасы өте қызық болуы тиіс. Бір ұстаз бір уақытта 30 оқушының назарын жаулап, әрқайсысына жеке көңіл бөлуге үлгермейді. Әдетте балабақшаға барған оқушылар мектепке тез дағдыланып кетеді. Ал күні бойы төрт қабырға ішінде отыратындар қиналады. 2019 жылдан бастап балалар 6 жастан мектепке баруға міндеттеледі. Алдымен мектепке дейінгі даярлық сыныбына қабылданып, артынша 11 жыл білім алады. 12 жылдық білім беру жүйесі дәл осылай іске асырылатын болады. Осы жүйені іске асыру үшін 63 мыңнан астам педагог білімін жетілдіріп жатыр. Ал 5 күндік оқыту жүйесі шетінен іске асырылмақ.