Кім жақын, не қымбат, не қиын?

Расымен, өте орынды сұрақ. Жеке өзіме сүйіктім жақын. Себебі, біз бұл әлемге жалғыз келдік, жалғыз кетеміз. Яғни отбасы мүшелері жай ғана серіктеріміз. Ал сүйіктіміз біздің жанымыздың бір бөлшегі. Оны бекер жолықтырған жоқпыз. Біздің құндылықтарымыз ортақ болғандықтан осылай болып отыр. Мен үшін адамгершілік пен адалдық, ақша қымбат. Жақсылыққа, мейірімділікке ұмтылмаған адамның өмірі бекер. Сол себепті, кез келген жанның бойындағы адамгершілік пен адалдық сынды қасиеттерді жоғары бағалаймын. Ақшаны бақыт деп айту қиын. Десе де, оның барлығымызға қуаныш сыйлайтынын рас қой. Осыны мойындайықшы. Бәрінен өлім қиын дейтін едім. Себебі, жақының өлсе, оған ұрыса да, онымен татуласа да, оны сүйемін деп те, оны жеккөремін деп те айта алмайсың. Менің жауабым осы. Жалпы Қазбек бимен де қосыламын. Әр сөзінің жаны бар. 

Бір адам Қазыбек биге: «Кім жақын, не қымбат, не қиын?» деген үш сұраққа жауап беруді өтініпті. Сонда би оған былай үн қатыпты: -Тату болса, ағайын жақын, Ақылшы болса, апайың жақын. Бауырмал болса, інің жақын, Алдыңа тартқан адал асын, Қимас жақын – қарындасың, Сыбайлас болса, нағашың жақын. Адал болса, досың жақын, Еркелейтін немерең жақын. Жан серігің жас кезіңнен Бәрінен де әйелің жақын. -Алтын ұяң – Отан қымбат, Құт берекең атаң қымбат. Аймалайтын анаң қымбат, Мейірімді апаң қымбат. Асқар тауың – әкең қымбат, Туып өскен елің қымбат. Ұят пенен ар қымбат, Өзің сүйген жар қымбат. -Арадан шыққан жау қиын, Таусылмайтын дау қиын. Шанышқылаған сөз қиын, Дәл осындай жағдайда, Пана болмас өз үйің. Жазылмаса дерт қиын, Іске аспаған серт қиын. Ақылыңнан адасып, Өзің түскен өрт қиын. Не істеріңді біле алмай, Ашиды сонда бас, миың.