Жігер Ауыпбаев 1987 жылы мамырдың 3-жұлдызында Алматы облысы Райымбек ауданы Кеген ауылында дүниеге келген. 2005 жылы Кеген ауылдық мектебін бітірітіп, Жүсіпбек Елебеков атындағы эстрада және цирк колледжінде білімін жалғастырған. Жігер бала күнінен әнші болуды армандаған. Колледж қабырғасында білім алып жүріп, вокал, би, актерлық шеберлікпен айналысқан. 2007 жылы Қайрат Мырзахановв, Ролан Қазретов, Ғабит Әбілдаевтармен бірігіп "Melo’Men" тобын құрады. Топ 2009 жылы Республикалық "Жас қанат" байқауына қатысып, жүлделі орынға иеленді. Әншінің жеке орындауында "Үш дос", "Ей,жаным", "Хат жазып тұр", "Жылайды жүрек" және т.б. әндері бар.  Сазды дауысымен көпшілікті тәнті етіп, жүрегін баураған әнші кей әндерінің сөзін өзі жазады екен.