Amazon-нан тауарға тапсырыс беріп көргендеріңіз бар ма?

Мұнда маған керектінің барлығы сатылады: киім, аяқ киім, сөмкелер, көзілдіріктер (Амазоннан сатып алған заттарым) және т.б. Тапсырысты жинау және жіберу уақыты ұзағырақ. Және бәрін бірден емес, бөліп-бөліп жібереді. Бірақ тауар уәде етілген 1-2 апта ішінде қолыми тиеді. Мен амазонды мынадай себептер үшін ұнатамын:

• брендті заттарды, киімдерді миға қонымды бағада алуға болатыны үшін.
• банк картасына байланысты туындаған қиындықтар себепті, басқа да сауда алаңдарынан ала алмаған тауарды дәл осы дүкеннен алуға мүмкіндік берілгені үшін. 
• қызмет көрсету сапасы үшін. 

Аmazon сауда алаңын көбіне eBay сауда алаңымен салыстырып жатады. Бұрын эбейден тауарға тапсырысты жиі беретінмін. Кейінгі кезде амазоннан тауар алуға көштім. Бұл сауда алаңы - ыңғайлы. Жаңа тауарлардың көп түрі бар. Және бір тауарды түрлі сатушылардан ала аласыз. Амазон сатушыларын бақылап отырады. Сондықтан алданып қалу не бүлінген тауар алу қаупі де төмен. Оған қоса, белгілі бір себептерге байланысты жаңа тауарды төмен бағада ала аласыз. Өз басым қорабы ашылғаны үшін ғана жаңа планшетті 20%-дық жеңілдікпен сатып алдым. Көбіне тауарды әр түрлі сауда дүкендерінен қарастырып, қайсысында арзан  болса, содан алуды жөн көремін.