Эпитет деген не?

Эпитет сөзі грек тілінен аударғанда «қосымша» деген мағынаны білдіреді. Ол кез келген заттың немесе құбылыстың ерекше белгісін, сипатын бейнелі түрде білдіретін поэтикалық және стилистикалық ұғым, экспрессивті айқындаушы сөз болып табылады.

Яғни заттың не құбылыстың айрықша белгілерін суреттеу үшін қолданылады. Көп жағдайда эпитет сөздер сын есім, зат есім, үстеу және етістік сияқты сөз таптарынан жасалады.

Эпитет сөздірдің мысалдары: алтын күз, отты көз, ақсары жігіт, ер тұлғалы, зымиян адам, қабағы сұсты.

Абай Құнанбаевтың «Қыс» өлеңіндегі келесі жолдарда да эпитет сөздер көптеп кездеседі.
Ақ киімді, денелі, ақ сақалды,
Соқыр, мылқау, танымас тірі жанды.
Үсті-басы ақ қырау, түсі суық,
Басқан жері сықырлап келіп қалды.

Өлеңнің осы жолдарында ақын қыс мезгілін эпитеттер арқылы шебер суреттеген. Мұндағы «ақ киімді», «денелі», «ақ сақалды», «үсті-басы ақ қырау», «түсі суық» сөздері эпитет болып табылады.