Өлеңді тез жаттаудың тәсілдері:

• Өлеңді дауыстап бірнеше рет оқып шығыңыз. 
• Өзіңізге түсініксіз сөздерді табыңыз. Поэзия тілі - өте бай. Көбіне ақындар көпшілік біле бермейтін сөздерді қолданып жатады. Бұрынғы уақыттарда жазылған өлеңдерде көнерген сөздер, таныс емес атаулар мен жер-су аттары қолданылған болуы мүмкін. Олардың мағынасын біліп алуға тырысыңыз.
• Өлеңде берілген оқиғаны не сезімді түсінуге тырысыңыз. Өлең жолдарында ұшырасқан түсінуге күрделі сөздердің амғансын ажыратып, түсінік қалыптасқан соң өлеңде берілген оқиғаны түсінуге күш салу қажет. Егер өлеңде не жайлы айтылғанын түсіне алмасаңыз, арасында не байланыс, не мағына жоқ сөздер жиынын жаттау қиынға соғады. 
• Өлеңнің әр жолының бір-бірімен байланысын ұғына біліңіз. Өлең белгілі бір сюжетке құрылмаса да, ондағы жолдардың байланысын табу, түсіну тұтас өлеңді оңай жаттауға себін тигізеді.