Сұрақтар мен жауаптар
Сұрақ қою

Әжімге қарсы қандай қарапайым маскалар жасауға болады?

Кәмшат
Жауап қалдырылды: 14 Маусым, 16

Әжімге қарсы және әжімді кетіруге арналған маскалар:

  • Бал мен жұмыртқа маскасы. Жұмыртқаның сарысына бір ас қасық бал қосып, араластырамыз. Қоспаны бет терісіне жағып, 10-15 минутқа қалдырыңыз. Артынша сумен жуыңыз. Мұндай маскны күнделікті таңертең жасауға болады. Масканы құрғақ теріні ылғалдандырып, әжімдерді жазу үшін қолдануға кеңес беріледі.
  • Бал мен ұн маскасы. Екі ас қасық ұн мен шайқалған ақуызды араластырамыз. Оған бір ас қасық бал қосамыз. Масканы бет терісіне жағып, 10-15 минут ұстаймыз. Сонан соң сумен жуып тастау қажет. Бұл маска бет терісін жасартып, әжім түсуінің алдын алады.
  • Бал мен лимон маскасы. Әжімнің алдын алу үшін балдан жасалған масканың көмегі мол. 100 г  балға лимон шырынын қосып, араластырамыз. Масканы бет терісіне жағамыз да, 10-15 минутқа қалдырамыз. Артынша сумен жуамыз.
  • Қара бидай ұны маскасы. 2 ас қасық қара бидай ұнына 1 жұмыртқаның сарысы мен 3 ас қасық жыл сүт қосамыз. Қоспаны миксермен шайқаймыз. Масканы бет пен мойын терісіне жағып, 20 минутқа қалдырамыз. Белгіленген уақыт өткен соң жылы сумен жуыныңыз.
  • Қаймақтан жасалған маска. Майлылығы жоғары қаймақтың бір ас қасық мөлшеріне бір ас қасық анар шырынын қосамыз. Бұл масканы жасау үшін анар шырынынан бөлек, сәбіз не банан шырынын қосуға болады. Пайда болған қоспаны бет терісіне жағамыз. Масканы 15 минуттан соң жылы сумен жуу керек.
  • Сүзбе мен қаймақ маскасы. Сүзбе мен қаймақтан жасалған маска бет терісінің қартаюымен күресуге көмектеседі. Бұл масканы жасау үшін бір ас қасық майлы сүзбеге 2 ас қасық қаймақ қосамыз. Оған жарты шай қасық тұз қосамыз. Барлығын жақсылап араластырып, пайда болған масканы бетімізге жағамыз. 15-20 минуттан кейін бетімізді жылы сумен жуамыз. 
Сән және сұлулық категориясындағы басқа сұрақтар