Көктем туралы өлеңдер бар ма?

Көктемде

Мына келген көктем бе?!
Сүйісуде кептерлер.
Көз ұшында, көк белде,
Түйісуде көк пен жер.
Тулап, тасыр арналар,
Нөсер құйып кеткесін.
Қыздырынып тау қалар,
Жалаңаштап көк төсін,
Тау бөктерлеп биледі,
Тамашалап ақ сағым.
Бөктер жақтың үйлері -
Сарайындай патшаның.
Қызыл-жасыл, сарыала,
Аспа көпір шұғыла.
Екі жағын қадаған,
Екі таудың шыңына.
Аспан асты, жер үсті,
Ойхой, неткен көкпеңбек!
Кеңейтті ғой өрісті,
Көптен күткен көктем кеп.
Мініп алып ңұр атқа,
Жігіт-кектем шертіп тұр.
Бір келіншек шуақта,
Есінейді елтіп құр.

Мұқағали Мақатаев

Көктем

Қызыл-жасыл жалауын желбіреткен,
сел ғып өткен айнала,
келді көктем,
"Шыр айналған дүние өмірімде,
Тәңірің де менмін, деп, ендігі өктем!" -
Қолына алып патшалық бар билікті,
аспаннан да асқақтау ән-күй күтті.
Жартастарға жан бітіп,
кетті-ау дейсің
арғымаққа айналып жал-құйрықты.
Қолтығына тығыла көлді ұрғылап,
бұлдана ма, қайтеді, мөлдір бұлақ.
Шөккен түйе секілді жоталардың
желкесінен жатқандай жел бұрғылап.
Әлі қыза қоймаған құмдарды аяп,
алдияр күн артады шындарға аяқ.
Еркін еді көңілім,
Желпінеді
көктем болып кетсем деп тұрғандай-ақ!

Сәкен Иманасов

Әз көктем, аяулымсың армандаған, 

Әз көктем, аяулымсың армандаған, 

Мен сені іздеп жүрдім бар ғаламнан. 

Жабықсам сенсің мені құтқаратын, 

Көк жүзін көлеңке бұлт торлағаннан. 

Қырмызы қызғылт бақты нұр басқанда, 

Тыраулап алыс жаққа тырна ұшқанда. 

Гүл алып сені тостым келер ме деп, 

Бақтарда қыз бен жігіт сырласқанда. 

Көкем-ау, көрінбедің көптен бері, 

Ақ жаңбыр қайтып келсе көктен кері. 

Сұрадым мекеніңді айтпай қойды, 

Желбіреп Сарыарқаның жеткен желі. 

Сен қайда жүрдің, көктем, біле алмадым, 

Екеуміз толқыны едік бір арнаның. 

Желбіреп желмен бірге жетер ме деп, 

Жабықтым жүрегімнен жыр арнадым. 

Шәмшия Жұбатова

 

(Жалғасы)

Дауыстарды не түрлі толтыруда, 

Туған жердің тау-тасын, жал құмын да... 

Көктем аунап келеді, 

Көктем аунап, 

Бұлақтардың сыңғырлы толқынында. 

Нәзік сәуле дірілдеп кірпігінде, 

Жанарына үйірді күлкі 

Күн де. 

Көктем бүрлеп келеді, 

Көктем бүрлеп, 

Жарып шыққан қайыңның бүртігінде. 

Қараңызшы! 

Тұп-тұнық таң атуда, 

Кең далама 

Шұғыласын таратуда. 

Көктем көшіп келеді 

Көктем көшіп, 

Қайта оралған құстардың қанатында. 

Сырбай Мәуленов

Көктем келеді 

Сезілгенмен ақпанның салқыны әлі, 

Нұрлы шуақ, 

Көктем боп бар құмары, 

Қар астынан қылтиған 

Жауқазын гүл, 

Күн нұрына сәбидей талпынады. 

Нәзік гүлім! 

Өжет те қайсар гүлім! 

"Көктем келе жатыр" деп 

Жар сал бүгін! 

Ақ қар еріп барады жылап ағып, 

Ағаштар да көзіне тамшы алды кіл...