Бет терісінің күтімі жайлы қандай пайдалы кеңестер бере аласыздар?

Беттегі безеулерден арылуға арналған майсана майы маскасы:

Бір шай қасық майсана майы мен қырмызыгүл спиртті тұнбасының шай қасығын араластырып, шайқалған жқмыртқаның ақуызын, ұсақталған бір аспирин таблеткасын қосамыз. Барлығын жақсылап араластырып, бетімізге бір қабат етіп жағамыз. Бетіміздегі маска құрғаған соң тағы бір қабатын жағу керек. Ппоцедура 20 минутқа созылады. Масканы жылы сумен жуу қажет.

Бет терісін күту үшін дұрыс жуу жөнінде кеңестер:

• Бет терісінің ерекшелігіне сәйкес бет жууға арналған құрал таңдаңыз.
• Бетіңізді жумастан жұрын қолыңызды жақсылап жуып алғаныңыз жөн.
• Бетіңізді жуатын су бөлме температурасына сай болуы тиіс.
• Асықпаңыз.Бет жууға арналған құралды құрғақ теріге жақпаңыз. 
• Бетіңізді бірнеше рет шайыңыз. Бет жууға арналған құралдың қалдықтары теріңізді құрғатып, тері саңылауларын бітейді. Гельді бетіңізден түгелдей кетіру үшін бетіізді жақсылап шайыңыз.
• Пилингті жиі жасамағаныңыз абзал. Ол терінің табиғи қорғаныс қабатын зақымдауы мүмкін.
• Бет жуу барысында ысқыш не орамалды жиі қолданбаңыз. Бет терісін жақсылап жуу үшін саусақтарыңыздың өзі жеткілікті. Алайда бет жуу үшін ысқыш не орамал қолдансаңыз, олардың әрдайым таза болуына көңіл бөліңіз. Оған қоса, бетіңіздің қатты ыспаңыз.
• Бетіңіз жуылған соң құрғап үлгермей тұрғанда иісмай жағуды ұмытпаңыз.
• Бетіңізді күніне 2-3 рет жуғаныңыз дұрыс. Десе де шектен шығуға да болмайды. Бетіңізді жиі жуғаныңыздың салдарынан терінің табиғи қорғаныс қабатының қызметі бұзылып, безеулер мен бөртпелер пайда болуына жағдай жасайды. 
• Бетіңізді жақсылап тазартпайынша ұйқыға жатпаңыз. Керісінше жағдайда бетіңіздегі кірдің себебінен бет терісі қызарып, тері саңылаулары бітелуі мүмкін. 

Бет терісін ағарту үшін айраннан жасалған маска қолданған жөн

• Бетіңіздің терісі ағарып, жұмсарып, тазарғанын қаласаңыз, мына масканы қолданып көріңіз. 1 ас қасық сүзбені 2-3 ас қасық айранмен араластырыңыз. Масканы бетіңізге жағып, 15 минут ұстаңыз. Артынша жылы сумен жуыңыз.
• 1 ас қасық ұсақталған ақжелкенді 2 ас қасық айранмен араластырыңыз. Масканы бетіңізге жағып, 15 минут ұстаңыз.