Сұрақ қою

"Зебра" бәлішінің рецепті бар ма?

Талқылау

Салтанат

24 Маусым, 16

Зебра бәлішінің рецепті

Қажетті заттар:

Қамыры үшін:

жұмыртқа - 5 дана
қант - 2 стақан (360 г)
сары май - 100 г
қаймақ - 200 г
ұн - 250 г
ас содасы - 1/3 шай қасық
қопсытқыш - 1 шай қасық
какао ұнтағы - 2 ас қасық
ұсақталған грек жаңғағы не орман жаңғағы

Шоколадты глазурі үшін:

қаймақ - 2 ас қасық

сары май - 50 г

қант - 3 ас қасық

какао ұнтағы - 2 ас қасық

Дайындалуы:

Жұмсарған сары майды қанттың жартысымен араластырамыз.
Бөлек ыдыста жұмыртқа, қанттың қалғанын араластырып, миксермен шайқаймыз.
Май қоспасына жұмыртқа қоспасын құйып, жақсылап араластырамыз.
Қаймаққа ас содасы мен қопсытқыш саламыз. Жақсылап араластырамыз.
Қаймақты майлы-жұмыртқалы қоспаға қосып, араластырамыз.
Қоспаға елеуіштен өткізілген ұн қоысп, тағы бір мәрте араластырамыз.
Қамырды екі бірдей бөлікке бөлеміз.
Бір бөлігіне какао қосып, араластырамыз.
Пісіруге арналған қалыпты майлап, ұн себеміз.
Қалыптың ортасына 2 ас қасық ақшыл қамырдан саламыз.
Ақшыл қамырдың ортасына 2 ас қасық қоңыр қамырды саламыз.
Осындай кезекпен барлық қамырды саламыз.
Пешті 170-180 градуста қыздырып, бәлішімізді 45-60 минут пісіреміз.
Шоколадты глазурін әзірлеу үшін кәстрөлді баяу отқа қойып, қаймақ, сары май, какао мен қант саламыз.
Барлығын жақсылап араластырып, қант ерігенше қайнатамыз.
Глазурьді суытып қоямыз.
Дайын болған бәлішті қалыптан алып, бөлек ыдысқа салп аламыз.
Бәліштің бетіне шоколадты глазурь құйып, жаңғақ себеміз.