Қамырды қалай дұрыс илеу керек?

Бәлішке арналған ашыған қамыр

Қажетті заттар:

• Ұн - 641 г
• Маргарин - 29 г
• Қант - 34 г
• Тұз - 10 г
• Ашытқы - 19 г
• Су - 258 г

• Ыдысқа 40 градус жылылықтағы су құйып (судың 70%-ын құямыз), суда ерітілген ашытқы қосып, ұнның 60% мөлшерін саламыз. 
• Барлығын араластырамыз. Ыдыстың бетін қақпағымен не таза орамалмен жабамыз. Мұнан соң жылы жерге қоямыз.
• Шамамен үш сағаттай уақыт өтіп, ашытқы көлемі екі есе ұлғайғанда, қалған су мен ұнды қосып, қамыр илейміз.
• Оған маргарин қосамыз. 
• Қамырды көтерілу үшін тағы да 2,5 сағатқа қоямыз. Осы уақыт ішінде оны 2-3 рет илеп қою керек.

Тұшпара қамыры

Қажетті заттар:

• Бидай ұны - 700 г
• Су - 260 г
• Жұмыртқа - 1,5 дана
• Тұз - 15 г

• Ұнға 35 градус жылылықтағы су құйып, тұз, жұмыртқа қосамыз. 
• Қамыр біртекті болғанша илейміз. 
• Мұнан соң 40 минутқа қойып қоямыз. 

Вареникке арналған қамырдың жасалуы да дәл осындай сипатта. Тек құрамына 25 г қант пен 245 г сүт қосу керек.