«Тасбақа» тортын қалай пісіреді?

"Тасбақа" тортының рецепті 

Қажетті заттар:

Қамыры үшін

• жұмыртқа - 6 дана
• қант - 1,5 стақан
• ұн - 1,5 стақан
• какао - 1-2 ас қасық
• қопсытқыш - 1 шай қасық

Кремі үшін

• сары май - 200 г
• қант - 1 стақан
• қаймақ (20%) - 2 стақан 

• шоколад - 50-70 г
• грек жаңғағы
• драже

• Тез дайындалатын үй бисквитін әзірлейміз. Пісіруге арналған қалыпқа пергаментті қағаз төсеп, қамырымызды бір ас қасықтан жеке-жеке дөңгелекше етіп саламыз. Пешке қойып, 180-200 градус температурада 7-10 минут пісіреміз.
• Осылайша қамыр таусылғанша кішкентай дөңгелекшелер пісіреміз. 
• Тасбақаның басы, құйрығы, аяғы үшін 6 дөңгелекшені алып қоямыз. Және де тасбақаның сауытын жасау үшін бірнеше дөңгелекше алып қою қажет.
• Кремін дайындау: Жұмсарған сары майды миксермен жақсылап шайқаймыз. Шайқау барысында ақырындап қант қосып, әбден шайқаймыз. Мұнан соң қоспаны шайқап тұрып, қаймақ қосамыз. Қоспа жеңіл әрі көлемді болғанша шайқаймыз.
• Дөңгелекшенің әрқайсысын кремге салып алып, үлкенірек тәрелкеге тау іспетті етіп орналастырамыз.
• Үстіндегі дөңгелекшелерге крем жақпаймыз. 
• Алып қалған дөңгелекшелерден тасбақаның басын, аяғын, құйрығын жасаймыз.
• Шоколадты су бында ерітіп алып, сәл суығанын күтеміз. Еріген шоколадты кондитерлік қапшыққа салып, тасбақаның үстіне ою-өрнек салып, безендіреміз. Дражеден тасбақаның көзін жасаймыз.
• Торттың бетін грек жаңғағымен безендіреміз.